كيفاش نقدر نكتسب قوة الكاريزما

الكاريزما في الحقيقة ماعندهاش تعريف محدد حيت هي كاع داكشي للي عندو علاقة بقوة الشخصية والجاذبية والثقة بالنفس والقدرة على التأثير في الآخرين، والقدرة على الإقناع، الأشخاص للي عندهم الكاريزما مايمكنش أنك تنساهم دغيا ومايمكنش تقاومهم، هما الفئة للي كايبغي كولشي يتعرف عليها وتتصاحب معاها، هما الأشخاص للي كتبغي تْولّي بحالهم، هما أشخاص تقدر تظن أنك كاتعرفهم وفي نفس الوقت عندك شعور بأنك ماكتعرفهمش، الكاريزما هي القوة الخفية في الشخصية للي كايكتسبها مجموعة قليلة من البشر، كايتزادو بيها بشكل فطري ولكن الدراسات بيْنت أنه يمكن اكتسابها بالتدريب بحل أي شيء أخر، غير هو اكتسابها أصعب من اكتساب أي شيء حيت في الواقع هي جامعة كاع هاد الأشياء 

السؤال للي تقدر تطرحو دابا "كيفاش نقدر نكتسب هاد القوة العجيبة ؟"  الإجابة فيما يلي

1 - 1قوة الشخصية
خاصك تكون واعي مزيان وتشوف الخطوة للي بغيتي ديرها من كاع الزوايا بلا خوف من أنك تاخد أي قرار كيفما كان سواء
قرارات شخصية ولا قرارات مع مجموعة من الأشخاص، خاصك تتحمل المسؤولية ديالك كاملة في اتخاد القرار وفي العواقب ديالو كيفما كانت، حيت صاحب الكاريزما هو سيد القرار وماكيرضاش يتبع الآخرين. 

 - 2المبادرة في اتخاد القرارات

خاصك تكون واعي مزيان وتشوف الخطوة للي بغيتي ديرها من كاع الزوايا بلا خوف من أنك تاخد أي قرار كيفما كان سواء قرارات شخصية ولا قرارات مع مجموعة من الأشخاص، خاصك تتحمل المسؤولية ديالك كاملة في اتخاد القرار وفي العواقب ديالو كيفما كانت، حيت صاحب الكاريزما هو سيد القرار وماكيرضاش يتبع الآخرين.

 -3تكون عندك القدرة باش تقول "لا"
ماعمرك تكون داك الشخص الظرَيِف بزاف للي ماكيتجرؤش يقول "لا"، صحاب الكاريزما عكس هادشي كامل، وعليها خاصك تتعلم تقول عبارة "لا" في الوقت ديالها وبطريقة زوينة بلا ماتفكر بزاف.
 -4وسع خاطرك وماتتعصبش
واخه يغلطو في حقك الناس ماتكونش متعصب وبقى محافظ على ابتسامتك، وحتى الا كان شي شخص مامتافقش معاك حاول ديما تسمع ليه وللرأي ديالو، بان أنك متفتح عندك نفسية ومزاج مزيانين كيفما كان الحال.
 -5اثبت الوجود ديالك
الكاريزما كاتجي بإثبات الذات قدام الناس، خاصك تهدر و تتفاعل مع الأخرين و كن مفتخر بنفسك، الناس بطبعهم كائن إجتماعي عزيز عليهم يسمعو قصص الأخرين، على هدشي حتا انت شارك بلا تردد وماتهدرش على نفسك بزاف وخلّيهم هما للي يهدرو عليك.
 -6اهتم بالمظهر ديالك
خاصك ترد لبال أنك تهتم ديما بالمظهر والنظافة ديالك، ربما المرأة كتعرف هاد القاضية مزيان لكن الرجل لا.
 - 7يكونو عندك مبادئ و أهداف
في أسوء الظروف للي تقدر دوز منها حافظ ديما على المبادئ ديالك، حط أهداف لحياتك وخْدم بكل جهدك باش تحققها.
 - 8ماترضيش كاع الناس
ببساطة حيت مايمكنش لك ترضي كولشي، ماديهاش فكلام الناس، حط كلامهم في الجنب وكمل طريقك، ماتخافش من انتقاداتهم لداكشي للي كتختار فحياتك، انت الوحيد للي عارف أشنو مناسبك، أما بخصوص الأشخاص الغيورين للي كيحاولو يجرحوك غادي تبتسم في وجههم فقط.
 - 9أخيرا خَدّم عقلك وكن إيجابي
الأشخاص للي عندهم نظرة سلبية ومتشائمين ماكيتمتعوش بالكاريزما، كن ديما متفائل وخَدّم عقلك كثر من عاطفتك فكاع داكشي للي كتختار في الحياة، حيت الكاريزما هي أنك تفكر ديما بشكل مختلف

تصنيف :